Piparsteik

Fyrir 6

​

Hráefni

6 stk steikur úr lund ( ca 200 gr hver)

nýmulinn svartur pipar

salt

mulinn rósapipar

mulinn grænpipar

​

Sinnepspiparsósa

30 gr smjörlíki

30 gr hveiti

6 dl nautasoð eða vatn og kjötkraftur

1 dl rjómi

1 tsk grófmulinn svartur pipar

1 tsk grófmulinn grænn pipar

1 tsk grófmulinn rósapipar

1,5 tsk sætt sinnep

3 dropar Tabasco sósa

​

Meðlætið

Bökuð kartafla og mikið af steiktum sveppum.

6 stk bökunarkaröflur

​

500 gr sveppir

100 gr smjör til steikingar

smá olía

​

Aðalrétturinn

Nuddið steikurnar með piparnum og steikið á pönnu í 3-5 mínútur á hvorri hlið í olíu.  Takið af og haldið heitu meðan sósan er löguð á pönnunni.  Berið fram ásamt steiktu sveppunum, bökuðu kartöflunum og sósunni.

​

 

Sósan

Bræðið smjörlíkið og búið til smjörbollu með því að bæta hveitinu saman við.  Hellið soðinu hægt á pönnu og þeytið á milli þannig að kekkjist ekki.  Látið suðuna koma hægt upp og hrærið öðru hvoru.  Bætið því næst piparnum og rjómanum og látið krauma í nokkrar mínútur til viðbótar, bætið þá sinnepinu og Tabasco sósunni út í.  Setjið lok á pönnuna og látið standa í eina klukkustund, smakkið sósuna til með salti og meiri pipar eftir smekk.  Litið með sósulit.

​

Sveppirnir

Sveppirnir eru steiktir í smjörinu og olíunni.

​

Heilræði/holl ráð

Sósuna má einnig laga úr tilbúnum piparblöndum en þá þarf að nota meira magn en gefið er upp í uppskriftinni.  Tilgangurinn með því að láta sósuna standa í klukkutíma eftir að hún er löguð er að þá samlagast piparinn sósunni og gefur henni fyllra piparbragð.  Gott er að bæta sósuna með smá slettu af koníaki.

​

Þessi réttur er úr metsölubókinni Veislubók Hagkaupa 1997

Höfundar

Árni Þór Arnórsson, Ingvar Siguðrsson, Óskar Finnsson, Kristján Sigfússon

​