Creme caramel

Fyrir 6

 

Hráefni

200gr sykur

½ l mjólk

vanilludropar

100 gr sykur

4 egg

2 eggjarauður

 

Aðferð

Brúnið 200 gr af sykri á lítilli pönnu, passið að brenna ekki.  Hellið sykrinum í botn á 6 timbalaformum eða soufflé skálum (má líka notast við kaffibolla).  Sjóðið mjólkina með vanilludropunum og sykri.  Kælið aðeins.  Blandið eggjum og rauðum saman í skál með sleif, ekki þeyta.  Hrærið volgri mjólkurblöndunni varlega saman við með sleif.  Hellið í skálarnar og lokið með álpappír.  Gerið lítið gat á álpappírinn með mjóum hníf.  Setjið skálarnar í djúpa ofnskúffu og hellið heitu vatni í þannig að fljóti upp á miðjar skálarnar.  Bakið í 40-50 mínútur við 130°c, kælið.  Skerið meðfram búðingnum með mjóum hníf og hvolfið á diska.

 

Heilræði/holl ráð

Gott er að bera fram ferska ávexti og jafnvel þeyttan rjóma með.  Oftast er rétturinn samt borinn fram einn og sér.

 

Þessi réttur er úr metsölubókinni Veislubók Hagkaupa