Grískur kjúklingur með fetaosti og grískri jógúrt
Fyrir 4-6
4 stk kjúklingabringur skornar í strimla
1 msk smjör
1 msk olía
salt og nýmalaður svartur pipar
Sósa
2 stk hvítlauksgeirar
1 stk meðalstór rauðlaukur
2 dl hænsnasoð (vatn og kraftur)
2 dl grísk jógúrt
1 msk maisenamjöl
100 gr fetaostur í olíu
2 tsk rósmarín
2 tsk soyjasósa
Til að strá yfir
1 dl góðar ólífur í olíu
50 gr feta í teningum
2 msk saxað ferskt rósmarín (má sleppa)
Aðferð:
Brúnið kjúklingastrimlana í smjörinu og olíunni, Kryddið með salti og nýmuldum svörtum pipar. Setjið laukinn og hvítlaukinn á pönnuna og bætið kjúklingasoðinu í, rósmarín og soyjasósu.
Bætið í fetaostinum og sjóðið þar til kjúklingurinn er eldaður í gegn.
Lækkið hitann, hrærið jógúrti og maisenamjöli saman og bætið varlega í sósuna gætið að sjóða ekki mikið eftir að jógúrtin er komin saman við.
Stráið ólífum, fetaosti og fersku rósmarín yfir og berið fram með nýbökuðu brauði.
Höfundur: Árni Þór Arnórsson