Grillað T-bein með kaldri grænpiparsósu

Fyrir 6

​

Innihald

6 stórar T-bein steikur

Olía til penslunar

Svartur pipar úr kvörn

​

Sósa

300 gr sýrður rjómi

100 gr gráðostur

2 msk þurrkaður grænn pipar

½ dl rjómi

1 tsk dijon sinnep

Salt og pipar

​

Salat "Americana"

1 haus Iceberg salat

Frisesalat til skrauts

8 stk cherry tómatar

¼ hluti agúrka

12 blá vínber

ferk steinselja

6 sneiðar beikon

1 hvítlauksrif

4 franskbrauðsneiðar eða 2 bollar brauðteningar (crutons)

1 stk Bóndabrie ostur

​

Aðferð

Kjötið

Skerið 3-4 skurði í gegnum fitu og sin á kjötinu.  Grillið á snarpheitu grilli í 2-3 mínútur á hvorri hlið. 

 

Sósan

Hitið saman rjóma, gráðost og grænpipar á pönnu þar til osturinn er uppleystur að mestu, kælið.  Hrærið út í sýrða rjómann og bragðbætið með salti, pipar og dijon sinnepinu.

​

Salat Americana:

Steikið beikonið stökkt á pönn. Látið kólna á eldhúspappír.  Geymið pönnuna með fitunni.  Skerið skorpuna af brauðinu og skerið það í teninga.  Bræðið smá smjörklípu á beikonpönnunni og látið brauðteningana ristast við meðalhita í nokkrar mínútur.  Hristið pönnuna þannig teningarnir brúnist á öllum hliðum.  Stráið ögn af fínt söxuðum hvítlauk á pönnuna u.þ.b. þegar teningarnir eru að verða tilbúnir ásamt steinselju, salti og pipar. 

Kælið teningana á pappír.  Skolið salatið og rífið niður, skerið gúrkuna, tómatana og vínberin niður.  Blandið öllu saman í skál.  Skerið ostinn í teninga og stráið honum yfir ásamt beikoninu og brauðteningunum.  Síðast er steinseljunni stráð yfir.

​

Þessi réttur er úr metsölubókinni Veislubók Hagkaupa 1997

Höfundar

Árni Þór Arnórsson, Ingvar Siguðrsson, Óskar Finnsson, Kristján Sigfússon

​