Hakkabuff á ítalskan hátt

Fyrir 6-8

 

1 kg nautahakk

1,5 dl matreiðslurjómi

4 sneiðar fransbrauð skorpan skorinn af

100 g kotasæla

100 g mozzarella rifinn

2 egg

2 tsk salt

2 tsk nýmalaður svartur pipar

1 msk þurrkuð steinselja

2 tsk þurrkað oregano

2-3 saxaðir hvítlauksgeirar

Hveit til að velta bollunum uppúr

 

 

Aðferð:

Sjóðið upp á rjómanum og tætið skorpulausu brauðsneiðarnar saman við hrærið vel í svo brauðið blandist vel saman við og kælið örlítið. Setjið öll hráefnin saman í skál og blandið saman við með brauðblöndunni. Hrærið allt vel saman í höndunum. Gætið að hræra ekki of mikið því þá gætu buffin orðið seig. Lagið buff  á stærð við egg  og raðið í eldfastmót.  Setjið litla kúlu af mozzarellaosti á toppinn og þrýstið í bolluna þanning að 1/3 af kúlunni standi uppúr.  Bakið við 170°C í 20-35 mínútur

Hellið að lokum tómatsósunni yfir buffin. Einning er hægt að laga litlar bollur sem smárétt.

 

Tómatsósa:

1 stk meðalstór laukur

2 stk hvítlauksgeirar

2 msk olífuolía

1 tsk þurrkað oregano

½ tsk chilliduft

2 dósir niðursoðnir tómatar

1 msk balsamic edik

1 msk sykur

 

Aðferð:

Saxið laukinn og hvítlaukinn og gljáið í olífuolíunni bætið við oreganó og chillidufti ásamt niðursoðnum tómötum. Látið malla í c.a. 40 mínútur við vægan hita. Bætið í balsamic ediki og sykri og látið sjóða í 10 mín í viðbót. Kryddið til með salti og nýmöldum svörtum pipar.

 

Berið fram með kartöflumús og góðu salati

​

Árni Þór Arnórsson

Fyrir Kaupfélag Skagfirðinga