Ungnautasirlon með villisveppasósu

Fyrir 6

​

Hráefni

1,5 kg mjaðmasteik (sirloin)

​

Villisveppasósa

3 dl dökkt kjötsoð ( eða vatnt og teningur)

30 gr þurrkaðir villisveppir

2½ dl rjómi

salt - pipar

2 msk þurrt sérrí

30 gr smjörlíki

30 gr hveiti

1 stk súputeningur

​

Kartöflukaka með stráþaki, 

750 gr kartöflur

60 gr smjör

1 msk sykur

1 egg

½ stk blaðlaukur

1 dl rjómi

2 hráar kartöflur rifnar

​

Gulrætur

6 stk gulrætur meðalstórar

​

Aðalrétturinn

Heilsteikið sirloin steikina á grind í ofni þar til kjöthitamælir sýnir 55°c í kjarna, eða u.þ.b. 120° í 50-60 mínútur.  Setjið á grill til að brúna fituröndina.

​

Sósan

Setjið sveppina í sjóðandi vatn og látið standa í 10 mínútur.  Veiðið upp.  Bakið upp soðið með smjörbollu og bætið í rjóma, sveppum og sérrí.  Látið sjóða við vægan hita í 10 mínútur.  Bragðbætið með salti, pipar og e.t.v. kjötkrafti.

​

​

Kartöflukaka

Sjóðið kartöflurnar, afhýðið og maukið eins og venjulega kartöflumús, kryddið með salti, pipar og sykri.  Skerið blaðlaukinn smátt niður, skolið og steikið síðan í smá hluta af smjörinu við vægan hita í 2 mínútur.  Setjið afganginn af smjörinu út í kartöflurmaukið.  Hellið rjómanum á pönnuna og hellið saman við kartöflumaukið.  Kælið ögn ef þörf krefur.  Hrærið eggin út í blönduna og setjið allt í lítið, smurt eldfast mót og bakið í 15-20 mínútur við 175° hita á blæstri.  Afhýðið og rífið tvær kartöflur í strá með rifjárni og veltið þeim upp úr ögn af matarolíu.  Þegar bökunartíminn á kartöflukökunni er u.þ.b. hálfnaður er kartöflustráunum dreift yfir.  Til þess að fá stráþakið fallega brúnt er ofninn stilltur á grill í stutta stund.

​

Gulrætur

Flysjið gulræturnar og skerið í strimla. Sjóðið í vatni með ögn af salti, sykri og smjöri í 3-5 mínútur.

​

Þessi réttur er úr metsölubókinni Veislubók Hagkaupa 1997

Höfundar

Árni Þór Arnórsson, Ingvar Siguðrsson, Óskar Finnsson, Kristján Sigfússon

​

​