Nautasteik með hörpuskel

Fyrir 6

​

Hráefni

6 stk nautasteikur úr lund, u.þ.b. 200 gr hver.

olía til steikingar

smjör til steikingar

salt og pipar

200 gr stór hörpuskelfiskur

​

Sinnepsrjómasósa

3 dl kjötsoð

2dl rjómi

1 dl rauðvín (má sleppa)

1-2 msk Grænpiparsinnep (eða Dijon sinnep)

kjötkraftur

sósujafnari

salt og pipar

​

Meðlætið

200 gr smjörsteiktar snjóbaunir

​

Aðalrétturinn

Byrjið á að laga sósuna.  Steikið kjötið á pönnu og setjið í ofn í 5 mínútur á 180°C.  Steikið hörpuskelina á pönnu í smá smjöri, kryddið með salti og pipar.  Raðið á diska þannig að sósan kemur á botninn, þá baunir á miðjan disk, steikina ofan á og síðan er hörpuskelinni raðað utan með.

 

Sósan

Öllu blandað saman, soðið og þykkt með sósujafnara.  Smakkað til með salti, pipar og ef til vill kjötkrafti. 

 

Heilræði/holl ráð

Gott er að bera fram steiktar kartöflur með réttinum.

Með þessum rétti má bera fram kartöflur að eigin vali og grænmeti. 

​

Þessi réttur er úr metsölubókinni Veislubók Hagkaupa 1997

Höfundar

Árni Þór Arnórsson, Ingvar Siguðrsson, Óskar Finnsson, Kristján Sigfússon

​