top of page
Bakaður silungur með fetaosti og graslauk með léttri jógúrt sósu
Fyrir 4
Innihald:
800 g silungsflök
100 g fetaostur
100 g Vorlaukur fínt skorinn
2 msk graslaukur saxaður ekki mjög fínt
100 g haricot baunir fínt skornar
Salt og nýmalður svartur pipar
Aðferð:
Smyrjið eldfastform með smjöri, raðið silungsflökunum í formið og kryddið með salti og nýmuldum svörtum pipar. stráið yfir vorlauk, strengjabaunum og graslauk. Setjið að lokum yfir fetaostinn. Bakið við 180°C í 10-15 mínútur fer allt eftir stærð silungsins. Einnig er hægt að nota lax í þennan rétt. Berið fram með sýrðum rjóma með graslauk og lauk, fersku salati og nýjum soðnum kartöflum.
Höfundur Árni Þór Arnórsson
bottom of page